“Naku, day! Pakakasalan daw ako ng BF kong foreigner!”

“Naku, day! Pakakasalan daw ako ng bf kong foreigner!”

“Sa wakas! Nagbunga na rin ang halos gabi gabi kong pagpupuyat hanggang sa madaling araw sa Facebook, Yahoo at iba iba pang social websites!”

Sumalosep!!

Napag isip isip kaya ng husto ni Pinay kung guni-guni lang o konkreto ang langit at walang katapusang ligaya na pangako sa kanya ni bf niyang puti o blondie ang buhok?

E, paano kaya kung drug addict pala si forenger? At naghahanap lang pala ito ng bagong punching bag – dahil wala na siguro itong makita sa Amerika o sa kung saang bansa siya galing? Okey sana kung idolo ni OFW si Pacman at sanay siyang sumalag sa 1-2-3 punch ng bago niyang partner.

At paano kung balak pala ni Kano o ibang forenger na ikuha si Pinay ng life insurance matapos niyang dumating sa US o sa kung saang bansa ng forenger niyang bf? At kung isang araw ay bigla siyang masagasaan ng pison at di na makontak ng kanyang mga kamag-anak, e, sino kaya ang kokolekta ng limpak na insurance money? Si Pinay kaya kung nasa tunay na heaven o purgatory na siya? Aber! Aber! Nangyayari ang ganitong krimen sa US at iba-ibang bansa. Madaling alamin ang mga ito. Mag type ka lang ng “life insurance & death scams in the US” sa www.google.com at marami kang mababasa ukol dito.  

At kung maikling panahon lang ang ng isang Pinay at isang foreigner, matitiyak na kaya ni Pinay kung ano talaga ang liko ng bituka ni foreigner at kung talagang mahal siya nito? Syempre naman, super sarap maglambingan sa FB at ibang social websites. Pero ang tunay na ugali at takbo ng utak ng isang tao ay di agad malalaman – kung sadyang itinatago ito ng isang tao, lalo pa ng mga manggagantso!

Dumarami ang mga ebidensiya ng mga pambibiktima ng mga mandurugas at masasamang tao sa FB at iba’t ibang social networking sites.

Suriin nyo ang mga resulta ng ilang pag-aaral sa United Kingdom at America:

• Lampas ng 200,000 tao ang nabiktima ng online romance scams sa UK, ayon sa unang academic study ng University of Leicester ukol sa lawak ng panloloko sa mga online romance na gamit ang mga social networking websites
• Ayon sa Fraud Prevention of the Serious Organized Crime Agency ng UK, maraming criminal ang gumagala sa mga internet dating at social networking websites para maghanap ng mga biktima, gamit ang pekeng pangalan at katauhan
• Halos 600 katao ang nabiktima at natangayan ng pera sa UK noong 2010-2011 dahil sa mga manloloko sa internet, ayon sa Fraud Prevention of the Serious Organized Crime Agency ng UK
• Sa US at Canada naman, kulang kulang sa US$3.4 billion ang nalugi noong 2011 ng iba’t ibang kumpanya na nagbebenta ng iba’t ibang produkto sa internet dahil sa online fraud o mga taong manloloko sa internet
• Mahigit US$2.7 billion ang nawala mula sa mga online retailers o mga kumpanyang nagbebenta ng mga produkto sa internet dahil sa mga manloloko

Sa tulong ng FB, Twitter at iba pang social networking websites, napakadali na ngayon ang makipagkaibigan kahit kanino sa iba’t ibang parte ng mundo.

Pero napakadali na rin para sa mga matatamis ang dila ang mang gantso o manloko.

Kaya kung di ka mag-ingat ay malamang na malaking gulo ang babagsakan mo.

Aray!!!!

Paalis ka ba ng Hong Kong? Punta ka ba ng Dubai . . . o sa Mars?#%?

“Kuya, maganda ba sa Dubai? Sabi kasi ng ka building ko e maganda raw don at aabot daw ng US$1,500 o US$2,000 ang sweldo at open daw kahit saleslady, di paris dito sa Hong Kong na hanggang kunyang ka lang.”

“Open din daw sa Russia at saka sa Israel. Pero Dubai sana ang gusto ko. Kung US$2,000 kasi ang sahod e halos 90,000 pesos buwan buwan na di pwedeng kitain dito. Kukunin ko na ba ito, kuya?”

Tuwing matatanong ako ng ganito, di ko alam kung ako’y tatalon sa harap ng MTR para alamin ko kung ako’y apo ni Superman. O kung kakarehahin ko ang Star Ferry mula Central papuntang Tsim Sha Tsui.

Ang hirap kasing sagutin ang tanong . . . . lalo pa kung ang kausap ko ay mukhang gigil na sa pangakong malaking kita sa trabaho sa ibang bansa na alok sa kanya.

Pag pera na kasi ang nangibabaw ay medyo mahirap ng paliwanagan ang isang taong humihingi ng payo. Lalo pa kung ang tao mismo ay mukhang hindi nag research kahit madaling madali ng gawin ito sa internet.

Pag nasilaw na kasi sa super laking perang pangako sa ibang bansa ay mukhang di nag-iisip ng mahusay ang iba nating kababayan kung tutoo nga o hindi ang pangakong magandang buhay at limpak na kita sa ibang bansa.

Tuwing nahihingan ako ng payo ukol sa isyung ito, ang una kong ginagawa ay hindi magpaliwanag . . . dahil mahirap ng makuha sa ordinaryong paliwanag ang isang taong silaw na sa limpak na pera.

Kaya nagbibitaw na lang ako ng ilang tanong. At hinahamon ko sila na sagutin nila ng tapat ang mga tanong at saka sila magdesisyon kung tutuloy sila ng pag-alis ng Hong Kong para mag cross country ikanga.

Ito ang mga tanong na bigay ko sa kanila:

1. Mabibigyan ka ba ng working visa bago ka pumasok sa bansang alok sa yo ng recruiter?

2. Kung walang working visa at tourist visa lang ang bigay sa yo, di ba’t ilegal ito para makapagtrabaho ka don?

3. Kung ilegal ang pasok mo sa bansang pupuntahan mo at mahuli ka dahil ilegal ang trabaho mo don, sino ang tutulong sa yo ng mabilisan? 

4. Bibigyan ka ba ng work contract bago ka pumasok ng bansang gusto mong puntahan gaya dito sa Hong Kong? O laway lang ang usapan ukol sa trabaho at sweldo?

5. Kung laway lang ang usapan, ano ang kasiguruhan mo na ang pangako sa yong limpak na sweldo ay talagang maibibigay sa yo?

Kung maging tapat sila sa sarili nila sa pagsagot sa mga tanong na ito, umaaasa na lang ako na sana ay nakatulong ako na di sila mapariwara o madisgrasya sa ibang bansang balak nilang puntahan.

Permanent Residency Bid in Hong Kong of Foreign Maids

Foreign domestic helpers suffered a major setback today, March 28, in their fight for permanent residency in Hong Kong after living here for seven consecutive years.

The Hong Kong government won its appeal against a High Court ruling in September 2009 that it was unconstitutional for the government to deny permanent residency to foreign maids even after they have resided in Hong Kong for seven years. This right of residency is enjoyed by other foreigners not employed as domestic helpers.

The government appealed the High Court ruling and obtained a favorable ruling.

Does the Hong Kong government victory mean the end of foreign maids’ fight for permanent residency in this city?

Perhaps not.

An appeal with Hong Kong’s Court of Final Appeal (CFA) may be considered as an option by lawyers, representing Filipino maid Evangeline Vallejos, the first of several foreign domestic helpers who are leading the fight for permanent residency for long-staying foreign maids.

If an appeal with the CFA is still an option, it will be best for Filipino DHs in Hong Kong not to have unnecessarily high hopes and expectations of an eventual victory.

It is best to remain calm and simply accept what the ultimate outcome will be.

From all indications, the Hong Kong government will try to move heaven and earth to prevent the estimated 300,000 foreign maids in the city from winning the right to permanent residency.

Why?

It’s mainly because Hong Kong’s labor market will certainly be upset or rocked significantly if, say, about 100,000 or 200,000 foreign maids quit household work to seek higher-paying jobs in restaurants and other service-oriented companies or even offices.    

This scenario will certainly mean former foreign maids will compete with local Hong Kong Chinese workers for available jobs in the service-oriented companies. Hong Kong Chinese workers will certainly complain with local labor unions and the government against competition to be posed by former foreign maids.

With permanent residency rights, former maids may also bring in their spouses and children to Hong Kong, a scenario that will put lots of pressures on Hong Kong’s government-subsidized health and social services which are already strained.

Foreign maids’ fight for permanent residency isn’t just a question of legalities in Hong Kong courts.

It is more a political issue – a ticklish and sensitive one – from the standpoint of the Hong Kong government and local workers.

Foreign domestics, including OFWs, should tread through this territory cautiously even as they continue to nurture hopes of an eventual breakthrough.

Mabuhay! Mga mare at pare!

May iba’t iba bang mga tanong na gumugulo sa isip mo?

Gaya halimbawa ng mga tanong na ito:

* Pwede pa kayang maging permanent residents sa Hong Kong ang mga foreign domestic helpers?

* Tutoo kayang maganda yung sabi sabi sa Central na aabot daw ng lampas P50,000 ang sweldo sa Dubai bilang sales lady? O kaya ay sa Russia na aabot daw hanggang US$1,500 to US$2,000 a month ang kita?

* Ano kaya ang negosyo na magandang pasukan sa Pinas para may kita naman don ang Mr ko at mga anak ko?

Ang mga sagot sa mga tanong na ito at iba pang mga isyu na malapit sa puso at isipan ng mga OFWs sa Hong Kong at ibang bansa, pati na mga mainit na usapin sa Pinas, ay matutunghayan sa forum na ito.

Kaya relax lang kayo, mga kaibigan.

Silip o bisita kayo sa forum na ito para masagot ang iba’t ibang tanong sa isipan nyo.

Pwede rin kayong sumulat sa jchk94@yahoo.com kung may tanong na personal o impormasyon kayong gustong malaman.

At sisikapin ng inyong lingkod na matugunan ang inyong pangangailangan.

Ang inyong lingkod ay beteranong manunulat dito sa Hong Kong at Pinas (bago nagpunta dito gaya ninyo).

Kaya tayo ay mag tsikahan para masaya ang ating pansitan dito sa Hong Kong.

Mabuhay kayong lahat!